Bokgoni bja Basadi ke tiragatso ye e lego mabapi le banyalani ba ba bego ba phela ka lethabo. Lethabo leo le ile la fela morago ga gore monna a thome go soma bjalo ka Polokwane, a se sa robala gae ka mehla. Yena o ile a se sa hlokomela lapa la gagwe nakong ya ge a be a soma toropongkgolo yeo. Tiragatso ye e kgethetswe barutwana ba mphato wa 11 ke ba Kgoro ya Thuto ya Motheo, yona e obamela dinyakwa ka moka tsa Setatamente sa Pholisi ya Lenaneothuto le Kelo (SEPHOLEKE) le dinyakwa tsa ditlhahlobo tsa Mphato wa 11 tsa Sepedi Leleme la Gae.